செம்மணி - சித்துபாத்தி மனித புதைகுழிப் பகுதிக்கு நீதியமைச்சர் விஜயம் செய்யவுள்ள நிலையில், அதற்கு எதிர்ப்பு தெரிவிக்கும் வகையில் குறித்த பகுதியில் வட கிழக்கு காணாமல் ஆக்கப்பட்டவர்களின் உறவினர்களின் சங்கத்தின் ஏற்பாட்டில் இன்று மாலை மாபெரும் ஆர்ப்பாட்டமொன்று முன்னெடுக்கப்பட்டது.

"நீதி இல்லா நாட்டில் நீதி அமைச்சர் எதற்கு" எனும் கோஷத்துடன் இந்த ஆர்ப்பாட்டம் நடைபெற்றது.

முன்னதாக சித்துபாத்தி இந்து மயான சூழல், மாவட்டச் செயலகம் மற்றும் நீதிமன்ற பகுதிகளில் பொதுமக்களின் இயல்பான வாழ்க்கைக்குப் பாதிப்பு ஏற்படும் என யாழ்ப்பாணம் காவல்துறையினர் நீதிமன்றில் விண்ணப்பித்திருந்தனர்.

அதற்கிணங்க, நாடாளுமன்ற உறுப்பினர் கஜேந்திரகுமார் பொன்னம்பலம், முன்னாள் நாடாளுமன்ற உறுப்பினர் செல்வராசா கஜேந்திரன், காணாமல் ஆக்கப்பட்டோரின் உறவினர்களது சங்க பிரதிநிதிகளான சிவகுமார் இளங்கோதை, கனகரஞ்சினி, சிவானந்தன் ஜெனிட்டா, வேலன் சுவாமிகள் மற்றும் ஏனைய அமைப்பினருக்கு எதிராக யாழ்ப்பாணம் நீதவான் நீதிமன்றம் தடை உத்தரவு பிறப்பித்தது.

அதன்படி, சித்துபாத்தி இந்து மயான ஏ9 வீதி தொடக்கம் பஸ்ரியன் சந்தி வரையிலும், அங்கிருந்து யாழ்ப்பாண காவல்துறை நிலையம் வரையான பிரதான வீதியிலும் வீதி மறியல் செய்வதோ அல்லது தடைகளை ஏற்படுத்துவதோ முற்றாகத் தடை செய்யப்பட்டது.

இந்த நீதிமன்றத் தடை உத்தரவையடுத்து பெருமளவிலான காவல்துறையினர் செம்மணியில் குவிக்கப்பட்டிருந்த நிலையிலும், அதற்கு மத்தியிலும், காணாமல் ஆக்கப்பட்டவர்களின் உறவுகள், அரசியல் பிரமுகர்கள் மற்றும் பொதுமக்கள் என பலரும் இந்த போராட்டத்தில் கலந்துகொண்டனர்.

அரசாங்க நிதி பற்றிய குழு கலந்துரையாடலின் போதே அவர் இதனைக் குறிப்பிட்டார்.

சாதாரண நுகர்வோர் பயன்படுத்தும் ஒரு சவக்காரத்துக்காக 21.5% முதல் 22% வரை VAT வரி அறவிடப்படுவதாக அதிகாரிகள் உறுதிப்படுத்தியுள்ளனர்.

இவ்வாறு ஏழை எளிய மக்களின் மீது கடுமையான வரிப்பளு சுமத்தப்பட்டுள்ளது.

அதேவேளை, கிரிக்கெட் போட்டிகள் நடைபெறும் காலங்களில் பந்துக்கு பந்து பந்தயம் கட்டும் ஒன்லைன் சூதாட்ட நிறுவனங்களிடமிருந்து ஒரு சதம் கூட வரியாக அறவிடப்படுவதில்லை. அரசாங்கத்தின் சின்னங்களைப் பயன்படுத்தி இவ்வாறான விளம்பரங்கள் தாராளமாக முன்னெடுக்கப்பட்ட போதிலும், அவற்றுக்கு வரி விதிக்கப்படுவதில்லை எனவும் அவர் குறிப்பிட்டார்.

அத்துடன் குறிப்பிட்ட சில சூதாட்ட நிறுவன பணிப்பாளர்களிடமிருந்து வரிகளை அறவிடுவதற்கு அரசாங்கம் தொடர்ச்சியாகக் கால அவகாசங்களை வழங்கி வருகின்றது.

இவ்வாறான நிறுவனங்களிடமிருந்து வரிகளை அறவிடுவதற்கான சட்டமூலத்தை ஜூன் 30 ஆம் திகதிக்கு முன்னர் சமர்ப்பிப்பதாகக் கூறப்பட்டது. தற்போது இன்னும் இரண்டு வாரங்களே எஞ்சியுள்ளன எனவும் அவர் சுட்டிக்காட்டினார்.

சாதாரண நடுத்தர வர்த்தகர்களையும், பொதுமக்களையும் வரியின் மூலம் ஒடுக்கும் அரசாங்கம், பெரும் சூதாட்ட நிறுவனங்களுக்குச் சலுகை வழங்குவதை ஏற்றுக்கொள்ள முடியாது எனவும், குறிப்பிட்ட திகதிக்குள் அரசாங்கம் உரிய நடவடிக்கை எடுக்கத் தவறினால் அடுத்தகட்டமாக என்ன செய்வது என்பதைத் தீர்மானிக்க நேரிடும் எனவும் ஹர்ஷ டி சில்வா எச்சரித்துள்ளார்.